![[Italian mirror]](pics/italy.gif){kind=small}
in italiano![[Portuguese mirror]](pics/portug.gif){kind=small}
em portugues![[French mirror]](pics/france.gif){kind=small}
en français![[German mirror]](pics/german.gif){kind=small}
auf deutsch![[Klingon mirror]](pics/qonos.gif){kind=small}
tlhIngan Hol![[Main]](pics/main.gif)
Main
Page
Rules, Strategies
and Variants
Software
Downloads
The Klin Zha
Community
About TAKZH
and the Webmaster
Quj Qu'
ghollI' ngoQ yIjon pagh ghollI' yISev vaj ghoSlaHbe'.che'ron Dellu'
'ay'mey luDellu'wej Dop ghaj che'ron. chorghmaH wa' Daq ngaS che'ron. wej Dop ghaj Hoch Daq. vaj che'ron DopDaq Hut Daq lutu'lu'.
botlhvo' DopDaq wej veH leghbe'lu'bogh lutu'lu'. Quj taghmeH wej yoS cher veHvam. wa' yoSDaq 'ay'mey lan Hoch QujwI'. taghta'DI' veHvam luqelnISbe'lu'. taghta'DI' che'ron naQ yIlo'.
taghpa' Daqmey'e' wavbogh veH DanlaHbe' 'ay'mey.
Hut 'ay' wa' ngoQ je ghaj Hoch QujwI'. motlh Doq wa' ghom 'ay'mey, bekpuj rur; 'ej SuDqu' latlh ghom 'ay'mey. wa' yanwI', wa' ghIntaq yanwI', wa' qetwI', cha' puvwI', wej 'avwI', wa' botwI', wa' ngoQ je lutu'lu'.
yanwI' (wa'). wa' cha' wej ghap Daq Huv ghoSlaH; Hoch lurgh, 'ej lurgh choHlaH.
ghIntaq yanwI' (wa'). wa' cha' wej ghap Daq Huv ghoSlaH; Hoch lurgh, 'ach lurgh choHlaHbe'.
qetwI' (wa'). cha' wej loS ghap Daq Huv ghoSlaH; Hoch lurgh, 'ej lurgh choHlaH. ngoQ qenglaHbe'.
puvwI' (cha'). wej loS vagh jav ghap Daq ghoSlaH; Hoch lurgh, 'ach lurgh choHlaHbe'. puvmo' latlh 'ay'mey juSlaH, 'ej botwI' Surchem juSlaH. ngoQ qenglaHbe'.
'avwI' (wej). wa' Daq Huv ghoS; Hoch lurgh.
botwI' (wa'). wa' cha' ghap Daq Huv ghoSlaH; Hoch lurgh. ngoQ qenglaHbe'. 'ay' HoHlaHbe'. HoHlu'be'. botwI' retlh Daq Qan botwI' Surchem. loS Daq Qan Surchem. Surchem 'ellaHbe' ghol 'ay'. 'ej ghol 'ay' Daq, ghol 'ay' retlh Daq je ghoSlaHbe'. ghol Surchem yoS DanlaHbe' Surchem. Surchem juSlaH ngoQ'e' qengbogh 'ay', 'ach SurchemDaq mevlaHbe' ngoQ. Surchem Daq DanlaHbe' ngoQ. ghol ngoQ'e' tlhejbogh latlh 'ay' jonlaH botwI'.
'ay'mey luDellu'QujmeH mIwngoQ (wa'). ghoSlaHbe' ngoQ tlhejboghlu'be'. luqenglaH yanwI' ghIntaq yanwI' 'avwI' je neH. lonlaH 'ay'. chIch ngoQ SuDlaHbe'. tlhejlu'be'chugh, Daq botbe' ngoQ; Daq ghoSlaH 'ay'mey; DaqDaq mevlaH 'ay'mey; Daq juSlaH 'ay'mey.
wuqwI' yIwIv (DarSeq DaDIngmoHlaH, pagh Suvchuq; ram wIvmeH mIw). ghIq wuqnIS wuqwI'; QujwI' wa'DIch ghaH ghaH pagh QujwI' wa'DIch ghaH ghol. QujwI' wa'DIch ghaHchugh ghaH, 'ay'meyDaj cherDI' DupDaj 'ang, 'ach tuH wa'DIch ta'.
che'ron yoS wIv QujwI' wa'DIch. yoSDaq 'ay'meyDaj cher. ghIq wa' yoS chuv wIv ghol, 'ej 'ay'meyDaj cher. HuvlI' yoS wejDIch.
'ay'mey cherDI' QujwI'pu', qenglaHbogh 'ay'Daq ngoQ lan.
Quj yItagh.
Daq DopDaq neH ghoS 'ay'.
ghol 'ay' HoHmeH, rInDI' tuH, ghol 'ay' Daq DannIS 'ay'. ngoQ tlhejchugh 'ay', ngoQ 'ay' je Dajon.
gholDaj ngoQ jonDI' vay', rIn Quj. Qap ngoQ jonbogh QujwI''e'. pagh, ghoSlaHbe'chugh vay', Qap vonbogh QujwI'.
